食錢的新玩具 - Fujifilm Instax Mini 25

星期二晚始終都敗了一個 食錢的新玩具.

就係從未玩過的拍立得相機. 佢講 function 真係無咩特別, 最正係佢勁 cute 既設計.

前面個粒係快門制, 就手, 方便自拍. 仲有自拍鏡, 可以睇下齊唔齊人.


另外仲有多一個快門方便橫度時拍照.. 所以係叫個雙快門設計...簡直一流..





不單只咁, 佢仲有微距鏡, 方便近距離拍照, 一樣咁 sharp, 唔會走焦..


佢既流線外型, 用來睇同埋扲上手都咁舒服.

不過係最好搵到個布袋仔比佢就 fit 晒喇...

哎呀... 未講點解佢係 食錢的新玩具, 因為拍立得菲林, 由$35蚊十盒起... 最貴可以 $60 蚊.
不過一盒只得.......十張相

希望新年前出院喇

過了兩日假期, 星期一婆婆入番醫院觀察...

本來星期三醫生話 : 如果無咩事可以尋晚(情人節)出院..

點知下午突然有低燒, 唔出得院... 唉, 希望新年前出院喇!

Happy Birthday - Chri

Wish you have a very happy birthday. May God bless you and your whole family.

渡假兩天

今早婆婆再打電話來話醫生比佢出院.

之後醫生真的打電話來話婆婆可以出去渡假兩天... 真係好開心呢.. 我立即去找一輛輪椅去接佢出院.. 去到醫院時, 婆婆已經換好衣服, On Your Mark!!

之後就去了倍佢飲茶, 都不知幾開心. 再次有感恩祈禱呢.

明晚同佢去食團年飯. 應該好 Happy ~~

Warming U 溫泉音樂佈道會

今晚去了 浸大搞的 Warming U 溫泉音樂佈道會.. 睇到大學生搞的活動, 感覺真係好正, 好似回到以前讀書時候咁.

而且仲有好多正既 敬拜者使團 演出 和 陳恩明牧師 主講. 今晚都結了有很多新的果子. 真係感謝神啊..

而我... 睇到新朋友哭著決志時. 真係好感動..就有了一起決志的衝動. 好像想向神再一次立志的一樣, 心情好興奮咁.. :-) 感恩是神藉著今次佈道會 更提醒了自己要把生命活得更精彩, 更可以 Warming 其他人, 更有基督徒的香氣和內涵.. 真係都多一些禱告, 祈求神大大的改變我..

Home Leave

2007年2月8日 (四)
7:00pm
今晚有團友組合 3L (Leo & Ling, Louis) 去探婆婆, 還一起唱詩歌 "我愛主" 和祈禱. 真係好多謝大家的關懷和禱告. 婆婆和我們一家都收到了.

婆婆今晚不太開懷, 因為吊緊 4 小時的血色素. 希望早日唔洗吊藥喇.

2007年2月9日 (五)
6:00pm
今天下午跟媽媽通電話, 佢話婆婆說醫生可以給她週末 home leave 兩日. 我們全家都好開心.. Sandy 和 Oi Yee 今晚會去探病, 到時可以了解下出院小休安排. 媽媽收工後, 回家收拾一些衣服, 準備今晚可能同婆婆出院... 婆婆當然心情上準備就緒喇.

7.37pm
我收到 Sandy SMS : 「探完婆婆了, 醫生無講低或寫低俾婆婆返屋企度假, 可能是婆婆自己聽錯.」
當然大家都一下子好唔開心喇. 婆婆更是 down 了. 還說 : 「Sandy 啊, 我覺得住係道好煩.」 Sandy 唯有好好的安慰下佢喇. 真的感謝 Sandy 一直對婆婆的關心.

事件中, 我真係唔知醫生有無同婆婆講可以返屋企度假. 現在都死無對正了. 院方只會說是婆婆自己聽錯.. 散場時, 留下的就只有家人和老人家的一大堆失望和不滿..

現在我開始明白點解, 家人同醫院好多時會有咁多問題.. 探病時間(5-8pm)永遠是沒主診醫生當值的時段, 而護士來去不停的都是不同臉孔... 作為家人, 要詢問、求正 應該何去何從呢?? 沒有好的溝通機會和門路係問題的關鍵...

神啊, 求你安慰大家的心吧.. 希望醫生早日可以給婆婆出院休息.

新的挑戰

2007年2月3日(六)
10:00am
約了醫生了解婆婆情況(婆婆並不在場). 醫生說癌細胞已經入了血, 所以用之前的藥已經沒有大用. 而婆婆的白血球,血小板和其他指數都開始下跌. 他說現在其實只有一個治療方法, 就是打化療針. 一個月打第一針.

我：我們如果打針可以有幾耐呢?

醫生：如果一切順利和沒有其他感染, 可以有多6-12個月生命.

我：如果不打針呢?

醫生：如果不打針, 以現在的指數都下跌速度, 好可能1-2星期就後會跌到無晒.

我：打針辛苦嗎?

醫生：這是門診類的針, 一般打完可以回家休息. 不會有太多副作用. 不過以佢情況, 我地會打第一針後觀察2-3星期, 睇下有無問題. 最快可以星期一打第一針.

其實見婆婆現在還很精靈, 當然希望想給她多點時間喇. 而且佢都想呢. 最後, 決定星期一打開始第一針, 而明天(星期日)醫生答應肯給婆婆回家休息一天, 星期一早上再回到.

當然我們立即把好消息跟婆婆講喇. 明天早上可以回家休息一天.

醫生好輕描淡寫地講了之後的治療方法：「婆婆, 明天早上回家休息一下. 星期一回來同你打針. 打針之後個d粒粒就會細番喇. 不過你要留院觀察2-3星期播. 好嗎?」

婆婆：「哦.. 聽日走得一日... 之後要住兩三個星期啊...(少少無奈). 咁好囉.. 希望可以一次個醫番好囉..」

醫生帶著微笑咁講：「係囉」

之後婆婆還祈禱感恩,和祈求醫治好番.

8:00pm
Sandy探婆婆,得知婆婆把食物掉光. 說過了期. 但沒有食晚飯. 還收拾好了一切用品. 之後Sandy跟我媽媽說婆婆這樣, 媽媽之後來醫院前買了一些食物給婆婆食. 原來之後發現, 婆婆以為當晚上可以出院,出去食大餐. 當然不是喇, 明天先出呀~~

2007年2月4日(日)
9:00am
我和媽媽一早去了醫院, 接婆婆出院. 護士小姐幫婆婆量血壓, 血壓得100. 護士話比較低, 要問當值醫生是否給婆婆出院. 但婆婆已經正在開心地換衣服.

護士問醫生：「血壓得100, 出唔出得院呀?」

醫生想了一陣子..

不過護士再說：「婆婆已經好換衣服, 熱切祈待喇. 尋日劉醫生(大醫生)話比佢出.」

當值醫生：「咁比佢出囉, 不過有咩唔舒服一定要立即返來呀.」

好呀.. 出得院喇. 偷了一天, 真係好珍惜呢.

11.00am
未回家, 先去美心飲茶. 之後回家, 下午睡了一好覺.

3.00pm
有團友仔來我家, 探望婆婆. 還跟她祈禱, 婆婆不知幾開心. 最開心仲有禮物回收呢.... ^_^

6.00pm
出去食晚飯. 因為婆婆喜歡出街食. 夠熱鬧啊.

晚上媽媽開解婆婆, 叫佢不用怕. 堅固了永生的盼望和信心. 還說, 遲早我地都會係天堂見. 只是遲一些呢... 到時, 不是我去找位給你飲茶, 而是你去找好位置等我呢.. 婆婆就哈哈大笑.. 心情好了好多.

2007年2月5日(一)
8:30am
媽媽和婆婆去了飲茶... 飲茶叫佢開心d, 之後要返醫院住兩三星期呢..

9.25am
婆婆回到醫院. 有獨立房間. 因為怕受打針後感染.. 婆婆好滿意有自己的房間呢..

之後醫生幫佢打化療針, 正式開始了兩星期的新挑戰.. 祈望新年時可以出來休息一兩日喇..

"Quantity of Life v.s Quality of Life "

5:46PM

昨天醫生打電話來說, 婆婆癌細胞已經入了血. 所以口服化療已經不太有用. 現在白血球偏低, 易受感染. 所以容易發燒.

醫生說下一步可以打化療針(一個月一支)加埋口服化療藥一起治療. 但會有更多副作用. 醫生給我們選擇. 化療針可以有多6-8個月生命(如果無其他感染). 如果不做可以很快便離開. 醫生說, 如果不用針, 我們可以再給口服化療藥, 但以他經驗來看. 其實口服化療再不有大用.

我們考慮如果用針, 可以有多幾個月?? 但可能使佢好辛苦. 還是不用針?? 安好的過這幾個月??
其實婆婆的意志力很強, 她應該是想醫的. 但奈何, 她身體怎能去捱呢. 還記得當初, 醫生問佢食化療藥好嗎? 她說:如果醫到咪醫囉. 其實佢係好想醫的,有時祗是我們唔想佢咁辛苦而已. 今次用針問題, 我們還未跟她說. 更不知怎麼說.

Quantity of Life v.s Quality of Life

神呀. 我們的下一步該是怎樣呢? 求主幫助.

10:20PM
今晚探了婆婆. 佢雖然無咩心機, 但都叫我地唔好擔心. 今晚媽媽問了婆婆想用針嗎? 佢話都可以試下用針, 唯有博一博. 佢可能之前試過口服化療藥, 還可以接受. 所以認為都可以試下用針. 當然, 對佢而言, 有得試好過無得試. 但其實我好怕佢受不到, 因為副作用會大好多.

明早10.00 會見醫生, 再傾下用針問題. 明天決定吧. 求主醫治和減少辛苦喇.