覆診感恩 , 工作感恩, 事奉感恩 的一天

覆診感恩
婆婆今日覆診感恩, 不用留院. 只是加了藥, 兩星期後要再覆診... 因為雖然最初個種比較有效, 但令白血球減少 始終有一定危險.. 所以今次都係用番上次覺得無咩用種新藥, 不過加了份量.. 醫生話之前好多人用這種藥, 都好好. 可以只是份量不足而已... 希望今次加了份量, 婆婆的淋巴廇可以退下喇..佢晚晚都有自己祈禱, 主必聽到的..求主醫治, 使用這藥.

工作感恩
印度請了個同事, 近日工作進度好了不少.. 主要係因為佢係叫陳永仁.
希望二月之後上工, 一切順利. 之後我要向韓國進發 Yeah!!

事奉感恩
今晚教會福音營籌委會開會, 大家都傾得好開心.. 當中有講請佈道會講員人選, 大家都提了好幾位勁既講員... 我就提出找...『唐崇榮牧師』.. 不過大家立即認為唐牧師一定唔會有時間來『招呼』我們.仲認為我講笑.. ;..-( 其實我真係想試一試, 問下不用死嗎....不過佢係大佈道家搞親都係幾千人信主佈道會, 我地d ''細細佈道會'' 唉...... 不過可能佢心想, "你班友夠薑請我, 睇你地係咩來頭先" hahaaa...

之後還傾到 找音樂敬拜隊來搞下個佈道會.. 有人提 ACM 和 影音使團, 我就想找 敬拜者使團.. 不過我其實唔知佢地有無搞開佈道會 function. 之後我要去 check 下.

今晚好似傾了好多項目, 但 9:30pm 走得人. Efficient Meeting

最後, 明天山成, 美川 返工場, 希望一切順利. 上帝賜平安和健康.

我近日一隻手指關節痛, 唔知係咪叫咩咩手 (唔識).... 如果係, 好似係無得醫.. 死喇.. 祈禱吧..